Kaash

Jab padh lete tum 

Har ek panna uss Kitaab ka,

Jo sun lete agar meri baatein

kisi subah chai ke saath baithe,

agar ek shaam dubte suraj ki roshni 

hamare chehre pe ronak laati, 

Kisi raat Chaand ke peeche chalte 

kaash thaamte tum mere haath, 

Muskurakar dekhte tum mudkar

aaine mein mujhe savarte huye,

Tab shayad tumko aati main samaj,

Tab shayad hum phir se khud ko dhund pate,

Na jaane kab shabdon ki Khamoshion

Ne hume hi chup Kara diya,

Pata hi nahi chala.

Tute huye rishton ke liye, 

Prerana